Xabier P. Docampo. Fotografía de Distrito Xermar para a AELG
A Biblioteca Pública Ánxel Casal de Santiago acollerá mañá martes un acto de homenaxe A Xabier P. Docampo (1946-2018). Ao longo do día levarase a cabo a lectura de textos das numerosas obra do autor nun acto organizado pola asociación galega do libro infantil e xuvenil, Gálix co apoio de máis dunha ducia de entidades. Pola mañá será alumnos de varios centros escolares da capital galega os que irán facendo a lectura pública A partir das 17.00h son os e as representantes das entidades que colaboran nesta homenaxe as que toman a palabra. Ás 19:00h, María Jesús Fernández fai un repaso á traxectoria literaria de Xabier P. Docampo nunha charla titulada Xabier P. Docampo, o escritor. Tradición e modernidade, na que salienta as características que singularizan a súa obra e as achegas deste escritor á literatura galega. Como final de acto, Gálix entrega a figura conmemorativa da homenaxe como Socio de Honra 2018, que se lle ía realizar en vida. Ademais destes actos a biblioteca acolle a mostra bibliográfica de obras do autor Toco cos dedos a luz nova do día: Homenaxe a Xabier P. Docampo. Ao día seguinte, mércores na Coruña, terá lugar outra xornada e homenaxe ao escritor, mestre e activista, neste caso organizada pola Asociación de Escritoras e escritores en Lingua Galega (AELG).
