Quiosco: Revista Cuadrante 37

A revista Cuadrante, de periodicidade semestral, publicou o seu número 37, no que inclúe textos moi diversos ao redor da figura de Valle Inclán e o contexto sociohistórico da súa vida. Joaquín del Valle-Inclán Alsina detense nos traballos de Valle como editor da súa propia obra, a través da colección Opera omnia, Silvia Ozores deita unha ollada antropolóxica sobre as Comedias bárbaras e Salvador Calderón procura paralelismos entre Romance de lobos e Luces de Bohemia. Pola súa banda, Manuel F. Vieites estuda a visión que tiña Valle-Inclán sobre os ultraístas. Estes e outros textos compoñen o presente número.