Sabela Hermida, Xosé Bonome e Pedro Picos recrean entre os tres escenas míticas do cine en clave de parodia cómica en . O espectáculo de Bucanero Teatro estréase este sábado 30 en Vigo no teatro AFundación. Lino Braxe dirixe ao trío de actores que contant cun texto a cargo de Irmáns da Costa. Nesta homenaxe ao cine desde o teatro os tres actores recrearán con humor secuencias de The Blues Brothers, 2001. Unha Odisea no Espazo, O Resplandor, Pulp Fiction, Febre do Sábado Noite, Instinto Básico, Tarzán>/i> ou Psicose, entre outros, encadeando unha narración propia con elas nunha comedia do absurdo ao longo de case unha hora e media de espectáculo no que o cambio de personaxes e vestiario e continuo para os tres intérpretes no percorrido da súa propia historia a cabalo da Historia do cine.
