Atopan un valioso colgante de arnés medieval en Ponte Caldelas

Trala última vaga de incendios de 2017, Maica Juncal, unha veciña de Ponte Caldelas, estaba a pasear polo xacemento arqueolóxico do Castelo Grande, ou Caldevergazo, no mesmo municipio. E para a súa sorpresa atopou un chamativo adorno que puxo en disposición das autoridades a través do concello. Ao ser analizado na Escola Superior de Restauración e Conservación de Bens Culturais de Galicia, confirmouse que se trataba dun colgante de arnés de cabaleiría, amplamente usado na Idade Media polos cabaleiros da aristocracia pero do que se conservan moi poucas pezas en Galicia (estímase que cinco). Tratábase de obxectos de metal de coidada decoración que, no caso do sitio arqueolóxico de Caldevergazo, permiten apreciar un guerreiro con alas que porta un escudo nobiliario. A peza atópase en bo estado de conservación.

Modelo dixital do xacemento de Castelo Grande / Caldevergazo:



A partir de datos xeográficos da Xunta de Galicia.