José Carou recibiu o XLIV Premio Modesto R. Figueiredo

A Casa da Cultura de Mazaricos acolleu a pasada fin de semana a gala de entrega dos galardóns do XLIV premio de relato curto Modesto Rodríguez Figueiredo. O rianxeiro José Carou foi o vencedor nesta xeira co seu traballo Afán e infortunio dos días estragados co que se impuxo entre as 57 narracións que se recibiron no certame. Canda a el conseguiron accésits neste certame Bibiana García Soto e Miguel Anxo Martínez Oubiña, que recibiron cadanseus 400 euros mentres o gañador obtivo un premio de 1.000.

O xurado do galardón estivo composto por Ariadna Fernández, gañadora da edición do ano pasado, X.R. Fandiño Vega, David Otero, Luís Menéndez, Baldomero Iglesias Dobarro e o escritor mazaricán Silvestre Gómez Xurxo.