Xerais publica as bases dos seus tres premios literarios

Os interesados en participar na nova edición dos Premios Xerais de narrativa teñen ata o vindeiro 5 de abril para enviar as súas obras. A editorial acaba de facer públicas as bases do 36 Premio Xerais de Novela, da décimo primeira edición do Jules Verne de Literatura Xuvenil e do 34 Merlín de Literatura Infantil, cada un deles dotado con 10.000 euros de premio. O fallo do xurado coñecerase o vindeiro 7 de xuño, mentres a entrega dos premios desenvolverase na Festa Xerais que se celebrará no mes de outubro.