Valado feito coa técnica da pedra en seco. Foto: Xunta de Galicia
A UNESCO vén de incluír a técnica construtiva da pedra seca como parte da súa lista de patrimonio inmaterial mundial. Foi unha candidatura de oito países europeos liderada por Grecia e Chipre e na que tamén participa España,co con oito comunidades autónomas: Andalucía, Aragón, Asturias, Baleares, Estremadura, Cataluña e Valencia e Galicia. A decisión foi tomada na XIII reunión anual do Comité intergobernamental de salvagarda do patrimonio cultural inmaterial. Os países que presentaron a candidatura comprométense a executar "medidas de salvagarda para que as comunidades locais poidan ter as condicións para o seu mantemento e difusión", segundo informa a Xunta de Galicia.
A pedra seca é unha técnica de construción tradicional que prescinde de calquera argamasa ou morteiro. Muros, peches e construcións adxectivas para diferentes usos agrarios e gandeiros como alvarizas, neveiras, pombais, hórreos, pendellos, foxos do lobo ou muíños contribúen a definir e representar a estrutura da propiedade ou explotación do territorio.
