A curtametraxe Matria de Álvaro Gago acaba de sumar ao seu palmarés o premio Áncora de Ouro. O Festival de Curtas Armadiña, que se celebrou en Poio, daba a coñecer onte, domingo 18, os seus galardóns. O xurado, composto por Pilar Varela, María Roja, Pablo Cacheda, Juan de Castro e Laura Doval seleccionou a curta de Gago, mentres os votos do público escolleron para a Áncora de Prata o filme Noche de Paz, de Santiago Requejo. Canda a estes, as actriz ourensá Eva Fernández recolleu o premio especial do encontro en recoñecemento ao seu labor interpretativo e a súa implicación social.
O palmarés incluíu tamén Areka, de Atxur Animazio Taldea, como mellor curta animada, Tournées, de Israel González como mellor curta ambiental e Veleno de Adrián González Fernández como mellor vídeo musical, mentres o Premio Crea á Mellor Dirección foi para Juan Galiñanes por Mariñeiro.
De xeito paralelo, a galega Sara Casasnovas obtivo esta fin de semana o II Premi Temporada Alta: Cine i Escena polo seu labor como directora na curtametraxe A xustiza pola man. O galardón entrégase no marco da iniciativa JamesonNotodoFilmFest.
