Quiosco: Boletín número 378 da Real Academia Galega

A Real Academia Galega publicou o seu Boletín número 378, dedicado á figura de Carlos Casares, a quen a RAG homenaxeou co Día das Letras Galegas 2017. O volume ten un conxunto de traballos "que van dende a especialización do historiador da literatura ao interese do filólogo, o crítico literario, o memorialista, o cronista daqueles anos ou, simplemente, e non é pouca cousa, a razón da testemuña". Entre os colaboradores, Arcadio López-Casanova, Xavier Carro, Ramón Loureiro, Henrique Monteagudo, Carlos Pajares, Manuel Forcadela ou Riveiro Coello, entre moitos outros. O Boletín pode descargarse de balde.