Fran Alonso é o novo director de Edicións Xerais

O Grupo Anaya confirmou hoxe pola mañá a Fran Alonso, ata agora subdirector de Edicións Xerais de Galicia, como novo director de Xerais, a principal editorial do país. Ata agora, Alonso desempeñaba o cargo de subdirector, vinculado á edición literaria, aínda que comezou a súa carreira profesional no xornalismo. Entre 2006 e 2010, ocupou o cargo de vicepresidente da Asociación Galega de Editores e na actualidade pertence a súa Xunta Directiva. Tamén foi un dos membro fundadores da asociación Espazo Lectura en 2008. Fran Alonso substituirá a Manuel Bragado, quen solicitou persoalmente a baixa na editorial a semana pasada.