O vindeiro mes de setembro comezarán as clases do primeiro título interuniversitario de Galicia. As universidades da Coruña e de Compostela presentaban esta fin de semana o Grao en Paisaxe. Esta titulación, pioneira no Estado, contará con 240 créditos distribuídos en catro cursos e nos que se impartirán disciplinas como urbanismo, topografía, arquitectura, medio ambiente, botánica, edafoloxía, arte, economía ou socioloxía. Os dous primeiros impartiranse na EPS de Lugo e os outros dous na Escola Técnica Superior de Arquitectura da Coruña.
