Pontevedra acolle un foro de mulleres columnistas

Debates e relatorios de xornalistas e columnistas de opinión de diferentes medios galegos e españois conforman o congreso "As mulleres que opinan son perigosas", que baixo o auspicio do concello e a Deputación de Pontevedra celebrarase na cidade do Lérez entre o 2 e 3 de marzo. O congreso está organizado polas xornalistas Susana Pedreira e Diana López Varela, quen tiveron a idea tralas críticas a un congreso de columistas de opinión celebrado en León o ano pasado no que non aparecía no programa nin unha soa muller. Entre as participantes estarán Rosa Montero, Ana Pardo de Vera, Lucía Taboada, Fernanda Tabarés ou Inma López Silva, entre moitas outras.