O Atlantic Fest abre as súas confirmacións cos británicos The Vaccines

A confirmación do grupo británico The Vaccines para o Atlantic Fest da Illa de Arousa ven de abrir o cartel dese festival e faino pola parte máis alta da oferta, a dos grandes nomes internacionais. Ata o momento ese é o único nome para este evento que cambiou a súa data de celbración para a fin de semana do 20 ao 23 de xullo na Illa de Arousa e que tamén publicou un manifestó de boas intencións e cambios para a nova edición. Outra das citas que tamén fixo recentes confirmacións foi O FIV de Vilalba. O festival lugués, un dos temperáns do ano a celebrarse os 27 e 28 de abril, ten á venda os seus últimos abonos e ven de incorporar a Carlos Sadness, Postergel e o Dj Oscar Mina a un cartel moi “indie” encabezado por Lori Meyers e no que hai sitio para Xoel López, Novedades carminha e Escuchando Elefantes entre outros como Nunatak ou La Habitación Roja. O Ourenrock Sound, a cita que terá lugar en Bemposta o 8 e 9 de xuño, xa presenta quince confirmacións para a súa nova edición. Cun cartel encabezado por El Drogas e Riot Propaganda tamén hai espazo e tempo para as actuacións de Talco, Xavi Sarrià, The Locos, Rebeliom do Inframundo, Smoking Souls, Bohemian Betyars, Ezetaerre, Brinkadelia Troupe, Yo No Las Conozco, Isabel Marco, Insolenzia, Pauliña, Blues do País e Gorilas a Pilas.