O libro Cociña Galega Tradicional - Receitas, Tradición, Historia e Evolución, escrito por Matilde Felpeto e editado por Xerais, fíxose coa XXIV edición do Premio de Xornalismo Gastronómico Álvaro Cunqueiro. Asímesmo, o segundo premio foi para a longa documental O Equilibrio dos opostos, de Alberto Baamonde. Na categoría académica, o xurado premiou o proxecto Algo pasa coas algas, dos estudantes de xornalismo Lucía Crujeiras Losada, Gabriel Fuentes Míguez e Alejandro Gesto Louro, sobre a relación entre algas e industria en Galicia.
