A SGAE nomea a Miguel Diéguez novo delegado en Galicia

O avogado Miguel Diéguez será o novo delegado da Sociedad General de Autores y Editores (SGAE) na zona Noroeste (Galicia, Asturias Cantabria, León e Zamora), en substitución de Juan Carlos Fernández Fasero, que foi nomeado Director de Comunicación Pública da entidade. Diéguez é un avogado con experiencia na administración pública, na universidade e no ámbito privado. Tamén foi avogado do propio Fernández Fasero durante o pleito que mantivo coa SGAE en 2013 con motivo do seu despido por parte da institución. O despido fora declarado improcedente.