Dez proxectos culturais pola igualdade conseguen apoio da Deputación da Coruña

Un festival, documentais, iniciativas de recuperación da memoria, unha obra de teatro ou exposicións son algunhas das propostas culturais que se desenvolverán ao longo de 2018 co apoio do I concurso de Ideas Luísa Villalta de Proxectos Culturais pola Igualdade. A Deputación da Coruña daba a coñecer a pasada semana o resultado deste galardón, que apoia propostas como o Festival Metropolitano Elas Son Artistas, que leva 18.000 euros, a obra Elisa e Marcela de A Panadaría Teatro (20.000 euros), os documentais Arte+Muller+Galicia (16.000), ou O diñeiro das mulleres (16.000) o catálogo Ilustradas (14.000) entre outras iniciativas.