A Editorial Galaxia pechará o ano Casares presentando dúas reedicións dos seus libros. A ledicia de ler é unha compilación da sección que escribiu en La Voz de Galicia a partir de 1975, "onde trataba temas literarios e lingüÃsticos, ademais de dar conta das novidades editoriais da época", segundo a Fundación Carlos Casares, e O suicidio de Jonas Björklund é unha colección de relatos dispersos, en galego e castelán, algún deles inedito, escritos entre os anos 1965 e 2001.
