A Mostra de Curtas de Noia homenaxea a María Bouzas

A partir do vindeiro 1 de novembro e ata o día 11, Noia acolle a súa décimo oitava mostra de curtas. No programa, para alén de mesas redondas e da proxecións dunha corentena de curtas e de varias longametraxes, a actriz María Bouzas recibirá o premio honorífico desta xeira. A organización quere recoñecer así a extensa traxectoria desta profesional, que participou en títulos como as series ratos combinados e Terras de Miranda ademais de ter unha ampla traxectoria teatral coa súa propia Compañía das Marías. A entrega do galardón está prevista para a noite do vindeiro 10 de novembro.

Pola súa banda, a pontevedresa Anxos Fazáns estréase como directora de ficción na sección Resistencias da XIV edición do Festival de Cinema de Sevilla. O seu filme La estación violenta, que adapta unha novela do tamén pontevedrés Manuel Jabois, poderá verse neste encontro o vindeiro 9 de novembro.