O Poemagosto internacionalízase e abre o outono poético

O festival Kerouac de Vigo quenta motores para ofrecer diversas accións poéticas

O Festival Internacional de Poesía en Allariz, Poemagosto comeza esta fin de semana a súa edición máis internacional con voces en varios idiomas chegadas de países coma China ou Brasil ademais de poetas de todos o estado nas diversas linguas das comunidades autónomas. Poesía, concertos, charlas, actividades infantís, micros abertos ou combate poético son as actividades que agardan desde hoxe a ata o domingo aos asistentes a esta cita coa linguaxe poética na localidade ourensá. Pasarán por este IVº Poemagosto Yolanda Castaño, Antía Otero, Vanessa Glemsel, Irene Fernández, Olga Novo, Xabier Xil Xardón, Antonio Orihuela (Andalucía), David Castillo (Catalunya), Pablo X. Suárez (Asturies), Miren Agur Meabe (Euskadi), Hu Xudong (China), Francesca Cricelli (Brazil – Italia), Carlos d'Abreu (Portugal) e Judit Díaz Barneda (tradutora ó catalán do poeta ruso Joseph Brodsky, premio Nobel de Literatura 1987). Haberá concertos de Luís Pastor, Cintaadhesiva, Folkolicos Folkis, A compañía do Ruído e Raiba.

E para a semana comeza en Vigo outra cita poética de carácter internacional que tamén se consolida e crece, o Festival Kerouac Vigo, herdeiro por vía de cambio de denominación do Festival Polipoético. O festival de performance e poesía levará a cabo a súa 7ª edición entre o 16 e o 19 de outubro crecendo en tamaño e repercusión, no que eles consideran o “gran ano” do evento, xa que ademais de medrar en artistas, espazos e días, presentan, nun acordo coa Editorial Galaxia o libro LATEXO BEAT de poesía que se presentará o mércores 18 ás 19:30h. no restaurante de El Corte Inglés. A obra recolle poemas, en galego, castelán e inglés, de 64 poetas que ao longo destes anos recitaron no festival. Cinco escaparates de comercios locais xa están a amosar mostras poéticas como estao previo ao inicio das actividades que sucederán no restaurante de El corte Inglés, Instituto Camoes, MARCO, La fiesta de los maniquíes e Progreso 41 Urban Market. Ademais do xa coñecido poemobil circulando polas rúas da cidade co seu megáfono, nesta ocasión o ofestival presenta unha nova iniciativa na rúa Londres chamada O muro dos poetas, coa dirección de Sherni Kaur presentarase tras o MARCO un muro con poemas estampados en azulexos de cerámica. Os versos de 70 poetas estarán incluídos nesta acción. Tamén esta prevista no programa a realización dunha Flashmob/i> nas porta do MARCO o sábado 21.