Un concesionario patrocina cunha furgoneta os desprazamentos de bandas a concertos

As bandas de rock Terbutalina, Bala e Agoraphobia son as primeiras en beneficiarse dun novo xeito de patrocinio que as apoia nas súas xiras. O concesionario Fiateira Motor, concesionario oficial Fiat Professional na Coruña e pertencente ao grupo Pérez Rumbao, cen de por en funcionamento durante os meses de setembro e outubro a iniciativa de Fiateira Motor❤Music dentro das súas liñas de Responsabilidade Social Corporativa. Esta iniciativa pon a disposición de grupos de música de Galicia unha furgoneta Fiat Professional para que poidan acudir e levar o seu equipo aos seus concertos en salas e festivais. Con esta campaña tamén se elaborou mercadoría alegórica, como chapas e camisetas, que se poderá conseguir a través dun concurso na súa páxina de Facebook. A furgoneta de Fiateira Motor❤Music xa levou a Terbutalina, Bala ou Agoraphobia a concertos en cidades como Barcelona, Zaragoza ou Valladolid.