Vintecinco compañías galegas de teatro veranse beneficiadas polas axudas á producción da Consellería de Cultura, e 28 obras contarán con subvencións para a súa distribución fóra de Galicia. Un total de 100 millóns de pesetas. A convocatoria deste ano mantén o baremo de méritos de tempadas anteriores, incrementando nun 20 por cento a contía para os titeres e mantendo o apartado de novos valores.
Compañías beneficiadas
Os 74 millóns de axudas á producción de espectáculos reaceron nas compañías Teatro do Noroeste, Teatro Galileo, Manivela Produccións, Uvegá Teatro, Sarabela Teatro, Teatro da Lúa, Teatro de Aquí, Teatro do Atlántico, Teatro do Adro, A Factoría Teatro, Ollomoltravía, Mohicania, Espello Cóncavo, Alalá Produccións, Ningures Produccións, Os Quinquilláns, Produccións Librescena, Áncora Produccións, Títeres Falcatrúa, Títeres Viravolta, Kukas Produccións, Títeres Trompicallo, Trécola e Títeres Cachirulo.
Dentro das axudas a novas tendencias, que se estableceron por primeira vez, foi beneficiada a compañía Teatro Bruto.
Distribución de obras
Ademais das compañías, vinteoito obras verán subvencionada a súa distribución cun total de 24 millóns de pesetas, especialmente para aquelas xiras por outras comunidades autónomas. Neste apartado resultaron beneficiadas Áncora Produccións, Ollomoltranvía, Ningures Produccións, Sarabela Teatro, Mohicania, A Factoría Teatro, Teatro Noroeste, Teatro do Atlántico, Artello Alla-Scala e Títeres Cachirulo.
Criterios
Para outorgar estas axudas, a Consellería baseouse nun baremo de méritos negociado entre o IGAEM e representantes das diferentes compañías. Dentro dese baremo, tívose en conta a traxectoria da compañía, o formato da producción ou o autor, ademais de considerar a capacidade de producción, distribución, autoxestión, publicación de material didáctico e número de traballadores entre outros
