Lamazares expón o seu testamento pictórico no Gaiás

Como un diálogo da pintura coa poesía defínese a exposición do pintor Antón Lamazares (Lalín, 1954) que este venres2 de xuño se inaugurará na Cidade da Cultura en Santiago. Baixo o ´titulo de Flor Novoneyra o pintor expón o que el mesmo dá en considerar o seu "testamento pictórico" nun encontro entre a súa pintura e a poesía de Uxío Novoneyra (1930-1999) para o que o artista pintou para esta exposición máis dun centenar de obras nas que transcribe versos do poeta do Courel empregando o seu coñecido Alfabeto Delfín, un código inspirado no abecedario occidental que o pintor bautizou con nome do seu pai. A exposición supón un diálogo entre pintura e poesía, "unha loita contra a extinción da cultura labrega en comuñón íntima e poética coa Terra", en palabras da comisaria María Díaz Flor Novoneyra, ademais dos cadros de Lamazares, exhibirá cincuenta caligramas do poeta, considerado un dos introdutores da poesía caligráfica na Literatura galega.

A través dun espazo sonoro, o visitante reencontrarase tamén nesta exposición coa voz de Novoneyra, considerado un gran dicidor de versos. A mostra complétase con retratos do autor do Courel realizados por Laxeiro, Tino Grandío, Tavera ou Lorente e cunha escolla de exemplares das súas obras. Producida pola Xunta, a través da Fundación Cidade da Cultura, a exposición está comisariada por María Díaz Rey, directora da galería About Art en Pontevedra, e conta coa colaboración da Fundación Uxío Novoneyra a través da implicación da viúva e e un dos fillos do poeta, Elba Rei e Uxío Novoneyra. A exposición supón un diálogo entre pintura e poesía, “unha loita contra a extinción da cultura labrega en comuñón íntima e poética coa Terra”, en palabras da comisaria. O proxecto poderá visitarse desde o 2 de xuño ao 17 de setembro.