Os dereitos lingüísticos centran os XIX Encontros pola Normalización Lingüística

O Protocolo para a garantía dos Dereitos Lingüísticos. Exemplo de empoderamento da sociedade civil é o título da conferencia coa que Paul Bilbao, secretario xeral de Kontseilua, abrirá mañá, a partir das 16:00 horas, os XIX Encontros para a Normalización Lingüística, organizados anualmente polo Consello da Cultura Galega. Durante dous días, expertos de ámbitos tan diversos como o ensino, a sanidade, a creación ou a administración reflexionarán sobre a situación dos dereitos lingüísticos nos seus campos de traballo. Nos Encontros poderase visitar Artesa 2017, unha mostra de iniciativas normalizadoras.