Isaac Xubín faise co V Premio de Poesía Manuel Lueiro Rey

Onte pola tarde fallouse o V Premio de Poesía Manuel Lueiro Rey, convocado polo concello de Fornelos de Montes. O premio distinguiu a obra A cadencia da fractura, de Isaac Xubín, sobre un total de vinte e sete traballos presentados. O xurado destacou da obra "a proposta para reinterpretar conceptos esenciais coma o do corpo, tanto individual coma social, así coma o convite que cursa para unha intervención o mesmo no eido propiamente do poético coma no do real".