Onte presentouse o quinto volume da revista Bradomín, composto por cinco traballos doutros tantos especialistas ao redor da relación entre Valle-Inclán e o teatro. Participan Manuel Vieites (Escola Superior de Arte Dramática de Galicia, Xaquín Núñez Sabarís (Universidade do Minho), Gabriela Rivera Rodríguez (Universidade de Vigo), Héctor Paz Otero (Universidade de Santiago) e Inmaculada López Silva, profesora tamén na Escola Superior de Arte Dramática. Ademais, este número inclúe unha achega interdisciplinar a través das pinturas e debuxos do ferrolán Pedro Castro Couto, que ilustran a parte final da publicación.
