O Festival Internacional de Curtas de Verín reparte os seus galardóns

A primeira edición do Festival Internacional de Curtas de Verín Vía XIV, celebrou o pasado sábado a súa gala de clausura outorgando os premios do seu palmarés. A peza documental O Moredo, dirixida por David Vázquez, gañou na categoría dedicada ao Entroido. O Moredo é unha curta documental que pretende dar voz a un ancestral entroido na Ribeira Sacra de Chantada, que resistiu a represión do réxime e a despoboación do rural. Marta larralde acadou o premio á mellor actriz pola súa actuación na curta Restart de Olga Osorio. O premio do Público foi para a cinta do coñecido director Javier Fesser, . A curtametraxe Ulises do vasco Aitor Gutiérrez foi a cinta que máís galardóns recolleu con tres premios ao Mellor Director, Mellor Guión e Mellor Actor. A curtametraxe Diente de León , dirixida e producida por Jorge Bellver gañou na sección de Emigración.

O fotógrafo verinense Carlos Folgoso recibiu o premio de Honra desta primeira edición do FICV, que o desvelou durante a gala de clausura. O festival de Verín conseguiu reunir a dous milleiros de persoas nas proxeccións que se levaron a cabo nos seu cinco días de programa, nos que ofreceu 39 curtametraxes en tres seccións oficiais a concurso, procedentes de Galicia, Colombia, México, España, Brasil y Luxemburgo. As curtas foron seleccionadas de entre 650 trabalos recibidos pola organización do FICV desde vinte e un países. O festival Vía XIV toma o seu nome da calzada romana que atravesa o val de Monterrei.

Tráiler "O Moredo" A resistencia do Entroido Ribeirao from pinancho audiovisuais on Vimeo.