Comeza o Mes Escéptico nos Museos Científicos Coruñeses

A Domus da Coruña abre este xoves o seu Mes Escéptico, un ciclo de conferencias de divulgación científica de carácter gratuíto que se desenvolverá en xoves non consecutivos desde esta semana ata o 22 de decembro. O ciclo está organizado coa colaboración da asociación Círculo Escéptico que ten como fin fomentar o pensamento crítico e racional, como ferramenta indispensable para a comprensión do mundo e a toma de decisións na vida diaria. A charla inicial, 'A necesidade de crer', terá lugar ás 19.30 horas e estará impartida polo xornalista e divulgador multimedia José Cervera, que abordará cuestións relativas á curiosidade, e sobre como a necesidade de respostas leva a búsqueda do coñecemento científico, e, polo mesmo mecanismo, da fe, ao impulsar ás persoas a crer sen probas. A entrada a esta actividade, como a de todas as que compoñen o ciclo, será libre ata completarse o espazo.

O ciclo Mes Escéptico continuará en decembro con tres novas citas. O día 1 está prevista a
participación da catedrática de Psicoloxía Experimental na Universidad de Deusto Helena Matute, que participará coa ponencia 'Nesgos cognitivos e adquisición de crenzas'. O 15 de decembro terá lugar a charla 'Que a realidade non te arruine un bo titular', a cargo de Deborah García Bello, química e divulgadora científica, e Pablo Linde, xornalista especializado en ciencia que falarán das situacións nas que a prensa ou a publicidade sacrifican a realidade científica polo impacto mediático, conlevando que o sentido crítico, o escepticismo e a cultura do consumidor se converten na única clave para discriminar a ciencia da ficción. Por último, o 22 de decembro, está previsto o monólogo 'Todos somos Rappel', a cargo de Juanjo de la Iglesia, xornalista e presentador de televisión. A o finalizar o ciclo se procederá á entrega do I Premio José Carlos Pérez Cobo de xornalismo e pensamento crítico.