Apenas un ano despois da súa presentación con Premonition, Kozmic Blues continúa a súa carreira discográfica e lanza Dream for winter. O dúo ferrolán, formado por Elisa Sánchez e Andrés Toimil achega once novos temas, entre eles unha versión, nos que continúa a predominar o acústico e o xogo de voces. Tons suaves para cancións con aires de rock e pegadas dos anos setenta manteñen o estilo do anterior traballo. O álbum, autoeditado con apoio dunha campaña de crowdfunding, foi gravado no estudios Abrigueiro de Friol.
