O director xeral de I+D, Pedro Merino, anunciou hoxe a inauguración do Punto Neutro de Galicia, o GALNIX, “nos vindeiros meses”. Ao Punto Neutro están adheridas as operadoras Auna, Comunitel, Jazztel, R e Retegal. Telefónica polo de agora non se sumou ao proxecto. Os seus usuarios beneficiaranse dun considerable aumento da velocidade de acceso aos webs galegos hospedados en Galicia, entre eles culturagalega.org. Merino tamén destacou, no balance do 2002 do Centro de Supercomputación de Galicia (CESGA), “a duplicación das horas consumidas polos usuarios dos ordenadores de cálculo con respecto ao 2001”, é dicir, que os investigadores universitarios galegos empregaron moita máis infraestructura pública de superordenadores de cálculo.
Máis información en culturagalega.org e sobre o CESGA e as comunicacións na súa web