Nace Catro Ventos, unha editorial orientada á sustentabilidade

Economía social, ecoloxía, consumo responsable, crianza alternativa e dereitos humanos son os eixes que define Catro Ventos. O novo proxecto editorial que se presenta hoxe nace coa intención de cubrir un oco no mercado literario galego encol destes ámbitos. O coworking Espazo Nido, en Vigo, acolle esta tarde a presentación do primeiro volume desta iniciativa, Transición ecolóxica. Manual de uso, unha tradución da obra de Aurore Lalucq, Philippe Frémeaux e Wojtek Kalinowski. Para vindeiras datas, a editora anuncia o volume colectivo A ruta dos refuxiados de Unai Beroiz, Felipe Carnotto, Adrián Irago, Cristian López e Juan Teixeira, o DVD Mañana e os títulos Limpeza creativa e Biodiversidade.