Ilustración de capa da Guía. Fonte: AGPI
No marco do Festival Viñetas desde o Atlántico a Asociación Galega de Profesionais da Ilustración ven de presentar a edición impresa da Guía Ninja do Ilustrador. Esta publicación realizada pola AGPI é unha ferramenta de sensibilización sobre boas prácticas na profesión que xorde para reflexionar e concienciar sobre condutas abusivas, ofrecer ferramentas útiles e dar orientación legal aos profesionais creativos
A guía, que está dispoñible en formato PDF en Internet para a súa descarga de balde, estrutúrase coma un decálogo. Contempla temas como “Traballo especulativo (‘spec work’)”;
“ Por que non traballo gratis”; “Débedas e faltas de pagamento” ou “Plaxios e usos indebidos” entre outros. Ademais, como non podía ser menos tratándose desta asociación, acompáñase de ilustracións explicativas. Dado que a maioría dos ilustradores e ilustradoras son profesionais autónomos, como miniempresas, á parte de crear, teñen que manexar plans de empresa, negociar proxectos, facer presupostos, contratos e facturas e coñecer a fondo os dereitos e deberes da súa creación artística, para protexela e poder explotala.
