Santiago de Compostela acolle entre hoxe e ata o mércores 20 de xullo o congreso "1936 ¿Un novo relato? 80 anos, entre historia e memoria", organizado polo grupo de investigación Histagra da USC co obxectivo de "presentar e discutir, dende distintos enfoques, as visións e interpretacións que a sociedade española actual manexa dun pasado incómodo e a dimensión ética do seu coñecemento, pero tamén para debater sobre a necesidade dun novo relato sobre ese pasado e mais sobre os elementos dispoñibles para construÃlo". Ese diálogo establécese sobre todo desde dous ámbito que se ocupan da memoria. Investigadores de distintas universidades europeas e americanas daranse cita ao redor da relectura da Guerra Civil, o fascismo, a represión e o franquismo.
