Mellor álbum de pop e mellor produción musical son os premios cos que Xoel López voltou da Gala dos Premios da Música Independente, que se celebrou onte en Madrid. O músico coruñés non obtivo recoñecemento co seu último traballo Paramales nas outras tres categorías ás que estaba nomeado. Non acadou ningún premio Davide Salvado que aspiraba ao galardón ao mellor álbum de músicas do mundo e mais ao mellor álbum en galego. Nesta última categoría foi o proxecto de Xabier Díaz & Adufeiras de Salitre o que se impuxo.
