Voltan ao Culturalab as Conversas das Culturas

"Debater en torno á diversidade das culturas, así como reivindicar a aposta pola ecoloxía dos saberes". Este son os obxectivos do ciclo Conversas das Culturas, que organiza o Culturalab do Master de Servizos Culturais da USC. A Casa do Saber, en Lugo, acolle este encontro aberto ao público, que transcorrerá entre o 25 e o 28 de abril vindeiros. A autoxestión sociocultural e as políticas dos comúns, os aspectos máis emocionais e afectivos dos proxectos culturais, a ética da permacultura como filosofía para acadar unha cultura permanente ou o traballo do proxecto artístico o La rara troupe centrarán cadansúa mesa. Silvia Villar, activista cultural e co-coordinadora da Casa Colorida, representantes do coruñés Proxecto Carcere, a activista e artista Vanesa Castro e mais a doutora e responsable do Departamento de Educación e Acción Cultural do MUSAC Belén Sola protagonizarán as sesións.