Fotografía do traballo gañador
Un total de 240 traballos procedentes de 24 países aspiraban ao IX Premio Internacional Compostela de Álbum Ilustrado, que organiza Kalandraka en colaboración co Concello de Santiago. O xurado do galardón seleccionou onte a obra presentada co lema El último día, dos gregos Antonis Papatheodoulou e Iris Samartzi como vencedora deste galardón, dotado con 9.000 euros e a publicación do traballo nas cinco linguas peninsulares pola editora. O xurado destacou o "equilibrio entre a ilustración e o texto, formando un todo harmónico" e mais unha narración que "transmite Ledicia e ternura á vez". A historia, protagonizada por un carteiro, pon valor este oficio "como un elemento de comunicación favorecedor das relacións entre persoas e comunidades".
Formaron parte do jurado a ilustradora Carme Solé Vendrell, o tradutor e editor Miguel Azaola, a bibliotecaria Ánxeles Roca, Manuela Rodríguez en representación de Kalandraka, o concelleiro de Educación e Cidadanía, Manuel Dios, o xefe do Departamento de Educación e Cidadanía do Concello de Santiago, Xosé Manuel Rodríguez-Abella, e Beatriz Rodríguez, do mesmo departamento, en calidade de secretaria.
