Preséntase o programa para conmemorar o 150 aniversario de Valle-Inclán

O conselleiro de Cultura, Román Rodríguez, presentaba esta mañá o programa de actividades co que se conmemorarán ao longo deste 2016 os 150 anos do nacemento de Valle-Inclán. Exposicións, obradoiros, proxeccións cinematográficas, representacións teatrais ou simposios de investigación intégranse nesta programación. Entre outros eventos, ao longo do ano sinalarase unha ruta valleinclaniana, celebraranse as xa habituais Xornadas de Homenaxe ed esenvolveranse lecturas públicas e un cinefórum nos museos dedicados ao escritor na Pobra e en Vilanova. Pola banda escénica, Quico Cadaval desenvolverá un espectáculo sobre o autor, mentres Títeres Cachirulo, Teatro de la Abadía e a Escola de Teatro Valle-Innova levarán diferentes textos á táboas. Unhas xornadas específicas, a edición de obras sobre o autor ou dúas exposicións divulgativas son outras propostas para o aniversario.

O programa conta coa colaboración dos concellos da Pobra do Caramiñal e de Vilanova de Arousa, da Asociación Amigos de Valle-Inclán, da Fundación que leva o nome do escritos, da cátedra Valle-Inclán da Universidade de Santiago, do Consello da Cultura Galega, do Centro Galego de Artes da Imaxe (CGAI), do Centro Autonómico de Formación e Innovación (CAFI) e mais da Deputación de Pontevedra.