Antonio Manuel Fraga Allegue leva o I premio Antón Risco de Literatura Fantástica

Querido H.P.L é o título da novela coa que Antonio Manuel Fraga Allegue se facía onte coa primeira edición do Premio Antón Risco de Literatura Fantástica, dotado con 3.000 euros. O autor impúxose entre as 18 obras presentadas a este certame que convocan Urco Editora, a Fundacion Vicente Risco, Sacauntos Cooperativa Gráfica, a Libraría Aira das Letras, a Livraria Traga-mundos, a Pastelería Fina Rei e o Restaurante Pingallo, Ademais, o xurado, composto por Mario Regueira, Isabel Mociño, Mila da Aira, António Ságue e Joâo Madureira e actuando como vocais da Urco editora e sen voto, Tomás González Ahola e David Cortizo Conde acordou recoñecer como finalista a novela Peixe Babel, de Carlos Quiroga, que tamén será publicada.