O Festival Agustín Magán amosa unha panorámica do teatro amador

Hipócrita Teatro, Teatro no Aramio, Gargallada Teatro, Nova Escena Teatro, Axóuxere Teatro e Marañao Teatro compoñen o programa do XIV Festival Agustín Magán. A Federación Galega de Teatro Afeccionado (Fegatea) presentaba onte este encontro, que organiza coa colaboración da Consellaría de Cultura e do Concello de Compostela. O Salón Teatro e mais o Teatro Principal acollerán as seis montaxes destas compañías entre os vindeiros 5 e 8 de decembro, a achegar unha panorámica do teatro amador no que se inclúen desde comedias para todos os públicos ata pezas para público adulto.