Asemblea de elección da directiva de Escena Galega
Coa intención de "non só protestar, senón tamén traballar polo sector", se presentaba esta mañá en Compostela a nova etapa da plataforma Escena Galega. Esta asociación profesional incorporou dezasete novas compañías ás súas filas, co que duplicou o número de afiliados ata 34, e renovou a súa directiva, que pasa a estar presidida por Belén Pichel. Canda a ela foron elixidos o pasado trinta de xuño Mercedes Castro como vicepresidenta, Areta Bolado, secretaria, Tatán Cunha, tesoureiro e os vocais Artur Trillo, Xoque Carbajal e Xesús Ron. Na nova etapa, segundo adiantou Pichel, artelláronse diferentes comisións que abordarán as necesidades do sector en cuestións como os criterios para as subvencións da AGADIC ou o funcionamento das diferentes redes de espazos escénicos.
Entre os primeiros obxectivos da entidade está abordar o xeito no que se desenvolverá a feira de artes escénicas que organiza AGADIC e que se celebrará no vindeiro outono. "As dinámicas desde a administración están estancadas, non se están a buscar máis fórmulas do que deixar as morrer iniciativas como as redes", explicou Pichel. "A situación do Centro Dramático Galego e dramática e o Centro Coreográfico atópase nun abandono absoluto", completou.
As incorporacións das novas compañías outórganlle a Escena Galega "unha maior representatividade do sector" e recolle a variedade de problemáticas do mesmo, co que a entidade agarda constituírse en interlocutor fundamental coas administracións neste ámbito. A nova presidenta adiantou que teñen xa concertadas entrevistas con representantes da AGADIC e da Consellaría de Cultura e sinalou o seu interese en contactar coas novas deputacións.
Chévere, Voadora, Pisando Ovos, Il Maquinario Teatro, Redrum, Inversa Teatro, A Panadaría, Borja Fernández, Artesacía, Aporía escénica, Funboa Escénica, Bocaberta, Lamacana e Traspediante son as compañías que se acaban de incorporar a esta plataforma.
As incorporacións das novas compañías outórganlle a Escena Galega "unha maior representatividade do sector" e recolle a variedade de problemáticas do mesmo, co que a entidade agarda constituírse en interlocutor fundamental coas administracións neste ámbito. A nova presidenta adiantou que teñen xa concertadas entrevistas con representantes da AGADIC e da Consellaría de Cultura e sinalou o seu interese en contactar coas novas deputacións.
Chévere, Voadora, Pisando Ovos, Il Maquinario Teatro, Redrum, Inversa Teatro, A Panadaría, Borja Fernández, Artesacía, Aporía escénica, Funboa Escénica, Bocaberta, Lamacana e Traspediante son as compañías que se acaban de incorporar a esta plataforma.
