Inícianse as tempadas de música clásica

A Real Filharmonía de Galicia presentou onte a súa nova programación, na que fará un percorrido polos seus vinte anos de vida a través de 25 concertos. Desde autores clásicos como Bach, Haendel ou Haydn ata o repertorio posromántico ou as vangardas. Como novidade, este ano a Real Filharmonía realizará tamén concertos nos barrios composteláns "achegándoa ao público e sacándoa á rúa para que sexa coeñcida por todos os públicos". Pola súa banda, a Tempada Lírica da Coruña 15/16 amplía o número de obras presentadas a sete, cunha "firme aposta por abrir novos horizontes" botando man dalgunhas "das máis recoñecidas creacións do teatro musical do século XX, como a Salomé de Strauss ou West Side Story, de Bernstein.