Urco Editora e Contos Estraños fusiónanse

As editoras Urco e Contos Estraños chegaron a un acordo de fusión polo cal Contos Estraños será un selo especializado dentro de Urco. As dúas editoras xa tiñan moitos vínculos temáticos e persoais, pero o acordo ten por obxectivo "dar un pulo definitivo á escena emerxente de autores e autoras en lingua galega que se dedican aos xéneros da fantasía, anticipación e o terror". Mellorar a visibilidade das publicacións, a comunicación co público e potenciar a presenza dos títulos nas canles de distribución.