Alonso Montero explora a "biografía intelectual" de Filgueira Valverde

Edicións Xerais presentará aos medios o xoves 16, ás 12:30, en Pontevedra na Galería Sargadelos o libro "Xosé Filgueira Valverde. Biografía intelectual", escrito por Xesús Alonso Montero, presidente da Real Academia Galega. A achega de Alonso Montero á figura de Filgueira Valverde é unha aproximación ao que denomina "o último polígrafo", versado en moitos saberes humanísticos, dos que cómpre "salientar a rica e caudalosa bibliografía, os seus estudos literarios". "Nesta biografía intelectual non se elude a actitude, nos anos da Guerra Civil e seguintes, de quen foi dirixente do Partido Galeguista", sinálase na nota editorial.