A Xunta puxo onte a disposición dos cidadáns unha ferramenta que permite consultar gran cantidade de información relativa ao medio natural galego e, sobre todo, da súa interacción coa Administración. Calquera persoa poderá ter acceso aos datos relativos á superficie dos espazos naturais, ás súas zonificacións concretas, topinimia, coordenadas, referencia catastral, así como aos elementos de flora e fauna que caracterizan eses lugares, asegura a entidade.
Unhas árbores senlleiras
O recentemente actualizado Catálogo de Árbores Senlleiras de Galicia inclúe a xeolocalización destas emblemáticas e centenarias árbores, coma nos cemiterios de Padrón.
Especies ameazadas
Un dos aspectos interesantes do visor é a posibilidade de explorar as áreas de presenza, as distribucións potenciais e as zonas ameazadas de epspecies con dificultades como a píllada das dunas, o osopardo, o sapoconcho común ou as zonas de xestión do plan do lobo.
Reservas da biosfera
Hoxendía os instrumentos administrativos son moi importantes á hora de considerar a defensa da natureza. Unha boa parte do norte de Galicia é considerado administrativamente Reserva da Biosfera, canda o parque do Xurés, no sur, aínda que a maior parte da delimitación recae na zona portuguesa.
