Carballo e A Mesa animan a celebrar os aniversarios en galego

Animar a que se celebren en galego os cumpreanos é o obxectivo do vídeo que acaban de presentar conxuntamente A Mesa pola Normalización e mais o Concello de Carballo. Parabéns para ti achega a versión na nosa lingua da canción máis famosa para felicitar aniversarios e pódese ver de balde na rede. O tema, que se presentou o mércores pasado na Biblioteca Rego da Balsa, gravouse nos estudios a Escola da Rúa. A adaptación do tema correu da man de Nanny Mouro e a gravación e a produción do vídeo foi de Mamá Lola estudios.