Los Suaves adiantan datas da súa xira de despedida

La música termina é o lema co que o grupo ourensán Los Suaves presenta a súa xira de despedida. Aínda sen data prevista de remate, o conxunto adianta datas do que será o seu último tour, no que se interpretarán clásicos e novos temas en recitais cun repetorio dunhas 24 cancións na que aseguran será "a mellor xira da nosa vida". Ademais, adiantan tamén que se gravarán algúns dos concertos, logo de case 35 anos de carreira musical.

Palma de Mallorca, o 17 de marzo, é a primeira data confirmada deste tour, que continuará por Nájera (18 de abril), Valencia (24) e Barcelona (25), sen que se coñezan polo momento paradas en Galicia.