Retrato de José Luís García López no seu Facebook
A 33 edición do Saló del Còmic de Barcelona, que se celebrará o vindeiro mes de abril, terá sabor galego. Dos dous primeiros nomes de convidados que anunciou a organización, un naceu en Lalín. O debuxante José Luís García López chegará a Barcelona cunha exposición como recoñecemento á súa extensa carreira en DC Cómic, en Estados Unidos. García López traballou con personaxes icónicos como Superman ou Batman ademais de ser responsable da guía de estilo da editorial. Parte do seu traballo está a ser editado en España da man de ECC Cómics.
