"É un traballo pioneiro", asegura Marcos Lorenzo, "xa que non vimos un modelo semellante nos paÃses do noso contorno". O estudo Boas prácticas no eido do cooperativismo cultural, encargado pola Dirección Xeral de Traballo e EconomÃa Social, centrouse non tanto en medir cuantitativamente a actividade das cooperativas que se desempeñan no ámbito cultural, senón de propor modelos inspiradores que puideran ser aproveitados por traballadores que estiveran pensando en constituÃr unha.
O resultado foi unha elaboración dun directorio base con 200 cooperativas culturais,
das que unhas quince están radicadas en Galicia, complementadas con consultas a expertos en cooperativismo e no ámbito das industrias culturais. Dese listado, "sen afán de crear unha fórmula matemática", os responsables do estudo extraeron 25 cooperativas con boas prácticas do ámbito europeo e asiático, e dentro do Estado, en ámbitos como Cataluña, AndalucÃa e no ámbito de colaboración comercial entre artistas e cooperativas en Euskadi. O fenómeno está medrando motivado pola crise económica.
Entre as caracterÃsticas común de moitas das cooperativas atópase unha curiosa influencia entre a cultura e a ética dixital e os procesos de organización e conceptualización das cooperativas. "Valores coma o procomún ou o software libre funcionan como un caldo de cultivo para xente que se quere asociar e traballar de forma mancomunada", sinala Lorenzo, quen advirte que estamos a ver a "confluencia de dous mundos. É como se os netos repararon en que teñen avós", en referencia ao descubrimento da economÃa social por parte de novas xeracións que chegan a ela desde o mundo dixital.
O estudo será publicado nos vindeiros meses.
