Pistas para o Culturgal 2014

Esta fin de semana celébrase en Pontevedra unha nova edición do Culturgal, a Feira das Industrias Culturais. O Pazo de Congresos de Pontevedra volverá encherse de miles de persoas que aportan, cada ano, unha gran dose de optimismo á cultura galega. Ademáis de stands e tendas de vendas de produtos, culturgal conta cunha vizosa programación entre o venres e o domingo da que te ofrecemos dez propostas.

O Culturgal 2014 amplía horizontes e ámbitos culturais. Máis propostas e máis diversas que complementan a visita da feira con numerosas actividades culturais paralalelas. Aquí vai unha selección de dez propostas que non pretende ser pechada. Tamén na ligazón lateral podes acceder ao resto da programación e configurar o teu propio culturgal.

Proxección de A Esmorga, de Ignacio Vilar. Se non tivestes tempo de ir ao cine para ver a útlima de Ignacio Vilar, tes dúas oportunidades no culturgal, o venres e o domingo. E o venres podes optar a unha cea temática posterior.

Concerto de Caxade e a Banda dos Moscas / Banda de Bandeira. O sábado ás 21.30 hai a oportunidade de escoitar a banda de Antonio Caxade, que despois de esgotar a primeira tiraxe, xa se convertiron nunha das bandas imprescindibles do país.

Conversa con Xabier Quiroga, María Reimóndez e Suso de Toro. María Reimóndez é a autora do último Premio Xerais 2014, Suso de Toro sorprendeu co seu último libro de relatos e a novela Zapatillas rotas de Xabier Quiroga está a dar moito que falar.

Presentación de revistas O Culturgal 2014 acollerá a presentación de diferentes revistas en papel ou electrónicas en distintos momentos. Estamos nun especial momento de creación destas publicacións. Consulta o programa en estenso para saber cando presentan M (Magazine cultural galego), Criaturas ou Botafumeiro.

Pórlle cara aos críticos. Nos últimos anos, coa entrada dos críticos literarios nas publicacións electrónicas, os blogs, estes convertíronse nunha figura de maior relevancia dentro da literatura galega. O sábado ás 17 horas os críticos literarios participan nun encontro coordinado por Ramón Nicolás, e no que participarán Lara Rozados, Montse Pena Presas, Mario Regueira e Roberto Pascual.

Dúas novidades imprescindibles. Máscaras rotas para Sebastian Nell (Premio García Barros), de Alberto Ramos, un dos xornalistas-narradores que se está a revelar nos últimos anos para a literatura galega e Santiago González de A diagonal dos tolos (Premio Repsol). Conduce a xornalista Susana Pedreira. Editorial Galaxia. Sábado ás 20.15.

Ao redor das cervexas artesanais. Son un auténtico boom nos últimos dous anos en Galicia e é interesante coñecer como naceron e como ven o mercado galego dúas das marcas veteranas e de calidade: Menduíña e Keltius. Tamén participa Carlos González de La Atlántica Beer Shop nun debate moderado por Manuel Gago. O domingo ás 13.30.