Fotogramas da ausencia

Dúas psicólogas e dúas realizadoras audiovisuais, unha axuda da Unión Europea e moitas gañas fixeron callar o proxecto Videocartas Galiza-Berlín. Unha experiencia que busca recuperar a comunicación entre emigrantes e os seus próximos nos países de orixe, pero facéndoas públicas a través do audiovisual e motivando un debate aberto sobre a emigración onte e hoxe. As curtas resultantes puidéronse ver en Cineuropa.

As psicólogas Sandra Martínez e Ana Seijo, canda as realizadoras audiovisuais Adriana Villanueva e Sabela Pernas uníronse para crear un orixinal proxecto no que a linguaxe audiovisual era o nexo que unía a vellos emigrantes, emigrantes de segunda xeración e novos emigrantes en Berlín.

"O proxecto está concebido para crear diálogos de emigración entre diferentes xeracións con distintas realidades", sinalan as organizadoras. "Ante o fenómeno qeu se está a dar na nosa xeración de marchar traballar fóra, pareceunos interesante dar voz a todas as historias actuais, vencellándoas coa historia galega da emigración e establecendo un paralelismo entre as dúas situacións".

Financiado desde finais de 2012 polo programa europeo Xuventude en Acción, na proxección vense seis pezas resultantes de distintas fases do proxecto. Nunha primeira fase graváronse entrevistas as vivencias de persoas que emigraron nas pasadas décadas do século XX e que hoxe volveron ao país. Estas cartas eran vistas por mozos emigrantes na actualidade en Berlín,

Este proxecto comezou a desenvolverse a finais do 2012 e está financiado polo programa europeo Xuventude en Acción. As realizadoras gravan as reaccións e valoracións dos mozos emigrantes e con elas constitúen seis pezas audiovisuais, as videocartas "de volta". No obradoiro, facilitouse un proceso creativo dirixido á toma de conciencia das emocións e sentimentos.

O proxecto foi presentado en Cineuropa, onde os asistentes puideron ver as seis curtas resultantes do proxecto.