Cineuropa: as oito de Moncho Lemos

Se non tes moito tempo, afrontar a disección das máis de duascentas películas de Cineuropa, o Festival de Cine de Santiago de Compostela é unha tarefa complicada. Pedímoslle a Moncho Lemos, coñecido xornalista cultural e cinematográfico, que nos faga unha pequena selección de películas imprescindibles de Cineuropa para as vindeiras semanas. E estas son as súas oito recomendacións. Disfrútaas!

La French

[Datas e locais de proxección]



Unha das máis notables apostas do cine francés para este ano. Vibrante, intensa, electrica coma a viaxe do protagonista, un ambicioso maxistrado, enfrontado á mafia na Marsella dos anos 70. Un poderoso thriller cun retrato axustado do enfrontamento entre xustiza e crime. A corrupción, o poder da mafia... nunha perfecta combinación entre acción frenética e diálogos cribles. Moitas influencias do cinema de Michael Mann e, por suposto, do Padriño de Coppola. De visión imprescindible para os que añoramos aquel cinema de gansters dos anos 70.

Funes o inventor da Lúa

[Datas e locais de proxección]



Realidade e ficción en formato documental baixo a direccion de Enrique Otero, un deses novos realizadores do audiovisual galego nacido no punto de encontro da creatividade audiovidual galega que cada ano agroma no festival de Cans en Porriño. A misteriosa historia de Uxío Funes. Inventor, tolo, visionario e capaz de crear un invento esencial para que o home chegara á Lúa, ante o asombro e a admiración da mesmísima NASA. A aura mítica de quen nunca poido obter ese recoñecemento e tivo que vivir no lado oscuro. O misterio da metraxe atopada, das cintas perdidas, para rendir tributo nesta película a tantos xenios tolos e incomprendidos.

Unha noite sen lúa

[Datas e locais de proxección]



A sorpresa latinoamericana da tempada vén de Uruguay co encanto que só teñen as pequenas historias que fan grandes argumentos como a soedade, o paso do tempo e os corazóns rotos, converxendo en lugares inhóspitos. Nas horas previas á Fin de Ano, un cantante de exito pretérito, unha muller solitaria e un mago, cruzarán as súas vidas sen coñecerse.

¿Recordades unha pelicula de Carlos Sorín titulada Historias minimas?. Esta noite de fin de ano ten moita débeda con aquela cinta e, por suposto, con todas esas peliculas de eternas historias cruzadas.

The Guest

[Datas e locais de proxección]



Atentos a esta pelicula todos aqueles que a finais dos anos 80, e boa parte dos 90, acudian na fin de semana o videoclube a levarse tres ou catro cintas de accióon macarra e comedia negra. Se eras fan de Denzel Washington o prota desta peli é ainda mellor. Os heroes do cinema de accion dos 80, os protagonistas misteriosos...de todo temos nesta cinta. Se non tes prexuízos e melindres fronte a ese cinema daquela década que tanto te gustaba, aquí está a túa cita inesquecible en Cineuropa.

Un honesto e imaxinativo tributo ao xénero de acción, ás veces tan denostado nos festivais de cine (afortunadamente Cineuropa é unha excepción).

Magical Girl

[Datas e locais de proxección]



A estas alturas xa está todo escrito sobre unha das apostas máis firmes da renovación formal e estilística que nos próximos anos agarda o cinema español. Barbara Lennie recibe o día da proxección da pelicula, o premio Cineuropa que pode ser esa antesala do premio Goya o vindeiro ano. Unha peli "rara" pero que reflexa un notable talento en Carlos Vermut, un director que presume de "ter un universo propio". Será unha película, como foi Camino, que estará nos andeis do cinema de culto español.

Dous días unha noite

[Datas e locais de proxección]



Un grupo de traballadores e un director de empresa astuto. Un dilema. Readmitir a unha traballadora que estivo de baixa por depresión, ou despedila e que cada un dos traballadores que están na empresa cobre 1000 euros. Dous días e unha noite é o tempo que terá Marion Cotillard para convencer os seus ex compañeiros para que elixan a súa readmisión renunciando a eses cartos extra. Un retrato real do medo dun traballador ao borde do paro. Temor, humillacion e retrato fiel da perversidade do sistema no que vivimos.

Güeros

[Datas e locais de proxección]



Desde os tempos de "Amores perros" ou as peliculas de Gael Garcia Bernal o cinema mexicano non levantaba tanta expectación nos festivais de cine europeos. Aquí está a súa última sensación, premio Horizontes Latinos en San Sebastián. Unha cinta rodada en branco e negro co aire de "road movie". Comedia e drama camiñando xuntos cun grupo de mozos que van na procura dunha vella figura do rock. Lamentablememte non é bo coñecer os idolos ainda que sí resulta estimulante descubrir como una ficción como Güeros ten moito de documental á hora de ensinar que é Mexico hoxe en día.

Os últimos días de Marte

[Datas e locais de proxección]



Aliens zombificados? Non é necesario sempre ser orixinal na ciencia ficción. Se os actores son solventes ata podemos crernos a anguria do tradicional enfrontamento entre vivos e non-mortos. Os incondicionais do xénero espacial atoparán aquí unha pelicula distraída. Que non é pouco. Xa sei que a estas alturas estar aínda en Marte e rememorar Alien non ten moito sentido pero a combinación entre expedición ao mundo exterior, rescate e loita pola supervivencia, é unha formula que ten o seu número de adeptos fieis.

Mais alá de Interstellar que quere ser a Odisea 2001 do novo seculo, ainda queda espacio para reivindicar a serie B de arranque prometedor e lugares comuns.